Адраджаем 100-гадовы хутар на Падляшшы

Дзе кожны зможа адчуць сябе як дома

MROJA аб’ядноўвае людзей, блізкіх па духу

Тут ты свой сярод сваіх

Зямля, якая вяртае сілы

Ты зноў адчуеш смак жыцця

Аб’яднанне дзвюх культур

Беларуская і польская гісторыя, людзі і традыцыі жывуць побач

Падтрымаць з Польшчы Zrzutka / BLIK / картка Падтрымаць з-за мяжы Buy Me a Coffee / EUR Хачу прыехаць Google-форма

— Наша гісторыя —

Мара была вымушана пачакаць

Прывітанне, мы пара з Беларусі. Сяргей і Наташа. Мы жывем у Польшчы, бо не можам вярнуцца ў родную Беларусь праз палітычны пераслед. Калісьці ў нас таксама былі планы і мары — напрыклад, стварыць сваю экавёску, месца, дзе можна адпачыць ад гарадскога шуму і мітусні. І сёння мы ўвасабляем згубленую мару на Падляшшы.

У лютым 2026 года мы знайшлі гэты прыгожы, але крыху закінуты хутар — і адразу закахаліся ў гэтае месца. Мы жартуем, што на хутары схаваны магніт — так нас заўсёды цягне сюды. Цяпер мы будуем тут тую самую экавёску — частку нашай роднай краіны са сваім асаблівым вайбам.

— Што такое MROJA —

Беларусь, у якую можна прыехаць

Мы будуем экавёску, куды вы можаце прыехаць, адпачыць, пажыць бліжэй да зямлі і адчуць сябе як дома. Неўзабаве тут з’явяцца глэмпінг-домікі, лазні і куратнік. Вы зможаце даглядаць курачак, вырасціць уласную градку і пасадзіць дрэва.

Але пакуль хутар толькі нараджаецца. Тут заўсёды патрэбная дапамога рукамі, заўсёды ёсць з кім пазнаёміцца, разам папрацаваць — і адразу ўбачыць вынік свайго ўдзелу.

Гэта аднаўленне сябе праз адраджэнне дома, якому ніхто не дае шанцаў. Гэта тэрапія размовай са сваімі і пра сваё. Тут не трэба нічога тлумачыць. MROJA — гэта месца, дзе цябе разумеюць.

— Легенда хутара —

Падчас пажару дом цалкам згарэў

Нам ужо пішуць людзі, якія калісьці жылі тут або звязаныя з гэтым месцам. Так мы даведаліся, што тут было два хутары, дзе жылі сем’і двух братоў.

Аднойчы ў дом аднаго з братоў ударыла маланка. На шчасце, ніхто не пацярпеў, але дом цалкам згарэў. Тады мясцовыя жыхары сабраліся талакой і хутка пабудавалі новы дом.

Наша мара — зноў аднавіць хутар разам: з беларусамі, палякамі і ўсімі, хто захоча далучыцца

— Як прыехаць —

Як прыехаць у MROJA

Цяпер MROJA знаходзіцца ў самым пачатку шляху. Мы толькі пачынаем уладкоўваць хутар, таму пакуль не можам прапанаваць камфортны адпачынак або гатовае жыллё. На гэты момант усё, што ў нас ёсць, — гэта месца для намётаў, прырода, вогнішча, добрыя людзі і магчымасць разам ствараць гэтую прастору.

Што важна ведаць загадзя

Вам спатрэбіцца ўласны намёт і ўсё неабходнае для жыцця на прыродзе.
Пакуль на хутары няма пастаяннага водазабеспячэння і звыклай інфраструктуры.
Умовы застаюцца даволі паходнымі і простымі.
Мы разам гатуем, працуем, адпачываем і дапамагаем адно аднаму.

Як далучыцца

Запоўніце анкету ўдзельніка.
Выберыце зручныя даты прыезду.
Укажыце, чым вы хацелі б займацца і якую ролю гатовыя ўзяць на сябе.
Пасля гэтага мы дадамо вас у закрыты чат удзельнікаў.

У чаце мы знаёмімся, абменьваемся важнай інфармацыяй, абмяркоўваем арганізацыйныя пытанні, дамаўляемся пра супольныя паездкі і дапамагаем адно аднаму падрыхтавацца да прыезду.

Калі вам блізкая ідэя ствараць MROJA разам з намі, будзем рады пазнаёміцца.

Хачу прыехаць!

— Каляндар —